MARDOW EXTRA VIGIN OIL

Geskenke

MARDOW EXTRA VIGIN OIL Mardouw Extra Virgin Olive Oil – ’n Luukse geskenk uit die Langeberg Hierdie besondere Mardouw-geskenkpak bring die smaak en kwaliteit van een van Suid-Afrika se bekende olyflandgoedere na die veiling. Dit bevat ’n keur van Mardouw se Extra Virgin Olive Oils, met verskillende geurprofiele, asook ’n produk uit hul natuurlike olyfolie-velsorgreeks – alles pragtig verpak en ideaal as geskenk. Mardouw Olive Estate is ’n ongeveer 1 000 hektaar landgoed aan die voet van die Langeberge in die Breederiviervallei, naby Swellendam. Die landgoed het sowat 50 000 olyfbome. Die Mediterreense klimaat, vrugbare grond en vars bergwater skep uitstekende toestande vir olyfverbouing. Wat Mardouw besonders maak, is dat die proses van blom tot bottel op die landgoed plaasvind. Die olywe word op optimale rypheid geoes en binne 24 uur verwerk. Die olie word teen lae temperature koud onttrek om die natuurlike geur, aroma en eienskappe van die olywe so goed moontlik te behou.Mardouw se Extra Virgin Olive Oil is gesertifiseerde ekstra suiwer olyfolie en die handelsmerk het talle toekennings vir sy olie ontvang. Hul verskillende olies wissel van Delicate tot Medium en meer intense geurstyle, wat dit geskik maak vir slaaie, brood, marinades, kookwerk en die afronding van geregte.